MBINGA; MKUU WA WILAYA YA MBINGA AFICHUA UBADHIRIFU WA FEDHA NA VIFAA VYA ZAIDI YA TSHS MILIONI 40 KATIKA UJENZI WA SHULE MSINGI MPYA YA KISASA KIPIKA, KATA YA MATARAWE, HALMASHAURI YA MJI MBINGA, ASISITIZA UADILIFU NI MSINGI IMARA WA MAENDELEO YA TAIFA

-
      Mkuu wa Wilaya ya Mbinga Mhe. Aziza Ally Mangosongo pamoja na kamati ya usalama wafichua ubadhirifu mkubwa wa fedha na vifaa vya ujenzi wa shule mpya ya msingi ya mfano kipika, kata ya Matarawe, Halmashauri ya mji wa Mbinga, Ambapo kuna ubadhirifu mkubwa wa fedha na vifaa vyenye thamani ya tshs 35 millioni, ikiwa pamoja na bati 71,mbao 246, na tiles za tshs milioni 25, Hali ambayo imesababisha mradi kutokamilika kwa muda uliopangwa.
Ambapo mradi wa ujenzi huo ulitengewa tshs milioni 331,600,000 kutoka serikali kuu kwa ajili ya ujenzi wa jengo moja la utawala, vyoo, majengo matatu ya madarasa na jengo moja la mfano la darasa la awali ili wanafunzi wa maeneo hayo waweze kupata elimu karibu. Ambapo baadhi ya madarasa hayajafungwa  milango, madirisha na kuwekwa malumalu.

Baada ya ukaguzi na uchunguzi wa kina wa nyaraka na taarifa za mradi Mkuu wa Wilaya alisema " Haiwezekani serikali inatoa fedha za miradi alafu wanaibuka watu wachache mno wasiopenda maendeleo wanahujumu, Hivyo basi natoa agizo kukamatwa kwa wale wote waliohusika na ubadhirifu huo kwa uchunguzi kisha hatua kali za kisheria zichukuliwe dhidi yao ili iwe fundisho kwa watu wengine".
Aidha, Mhe. Mangosongo, Mkuu wa Wilaya alitoa agizo kwa Wahandisi na wasimamizi kutekeleza miradi kwa kuzingatia maelezo ya Bill of Quantities (BOQ) na sio kwa kuzingatia utashi wao, Pia aliwataka mafundi kuzingatia ubora wa kazi sambamba na kuwa waaminifu, ili wapate miradi mara kwa mara, Alikadhalika aliwataka wasimamizi wa miradi kutekeleza maagizo ya viongozi pindi yanapotelewa.

Sambamba na hilo aliwataka wananchi kutoa taarifa za ubadhirifu na kufichua viashiria vya wizi kwenye miradi, Vilevile alitoa siku mbili kwa mafundi wote wanaotekeleza miradi hiyo kufanya marekebisho ya changamoto ambazo zimeainishwa, kujengwa kwa miundombinu ya watu wenye ulemavu pamoja na mafundi kufanya kazi kwa kuzingatia ubora na thamani halisi ya fedha zinatolewa na serikali.

Hata hivyo,Mhe.Mangosongo, alimalizia ziara kwa kukagua ujenzi unaoendelea wa shule ya sekondari mpya ya kisasa Matarawe ambao utagharimu  zaidi ya Tshs milioni 500, kutoka serikali kuu, Ujenzi wa Zahanati ya kijiji cha kitelea ambao upo katika hatua za mwisho kukamilika, Kisha ametembelea kiwanda cha kukoboa kahawa cha kyeju's coffee kuona maendeleo ya kiwanda hicho kwasasa.

Mwisho, Alitoa maagizo kwa halmashauri kwa kipindi cha mwezi mmoja kukamilisha ujenzi wa zahanati kijiji kitelea ili ianze kuhudumia wananchi, Pia alimtaka mmiliki wa kiwanda cha kyeju's coffee kufuata sheria zote za uendeshaji wa kiwanda sambamba na kutoa kipaumbele cha ajira za kazi kwa wazawa wa maeneo hayo ili wanufaike na kiwanda hicho.

       

Comments

Post a Comment

Popular posts from this blog

RAIS WA IPU MH. DKT. TULIA NA RAIS WA HUNGARY WAJADILI HALI YA AMANI DUNIANI

-
Image
Spika wa Bunge la Jamhuri ya Muungano wa Tanzania na Rais wa Umoja wa Mabunge Duniani (IPU), Mhe. Dkt. Tulia Ackson, leo tarehe 8 Oktoba, 2024 amekutana na kufanya mazungumzo na Rais wa Hungary, Mhe. Tamas Sulyok katika Ikulu ya nchi hiyo iliyopo Jijini Budapest. Katika mazungumzo yao, Viongozi hao walijadili njia bora za kuimarisha ushirikiano kati ya mataifa haya mawili, Tanzania na Hungary, katika sekta mbalimbali hususani kilimo, utalii, biashara na maji. Rais Sulyok alitumia fursa hiyo kumpongeza Mhe. Dkt. Tulia kwa juhudi zake za dhati katika kuendeleza amani duniani, hususani katika maeneo yanayokumbwa na migogoro mikubwa. Aidha, walizungumzia pia masuala yanayohusu misingi na malengo ya IPU, ambapo Mhe. Sulyok aliahidi kuendelea kushirikiana kwa karibu na kuwa mstari wa mbele katika kuendeleza ajenda zote za IPU. Ifahamike kuwa kati ya nchi nane zilizounga mkono kuanzishwa kwa IPU katika mkutano uliofanyika tarehe 29 na 30 Juni 1889 nchini Ufaransa, Hungary ilikuwa miongoni mwa...
Read more

TK MOVEMENT YAZINDULIWA DODOMA MEI 25,2024, WAZIRI NDEJEMBI AWAAGIZA WATENDAJI KUTOA USHIRIKIANO KWA VIJANA

-
Image
Wakuu wa Mikoa, Wilaya, Wakurugenzi wa Halmashauri na Watendaji wa Kata, Mitaa, Vijiji, Taasisi na Asasi mbalimbali wameombwa kuwapa vijana ushirikiano wa kutosha wanapopita katika maeneo yao kukutana na vijana wenzao kubadilishana mawazo na kuwapa mafunzo ya namna ya kujikwamua kiuchumi kwa kutumia fursa. Agizo hilo limetolewa Mei 25 na Waziri wa Nchini, Ofisi ya Waziri Mkuu Kazi Ajira na Watu wenye Ulemavu na  Deogratias Ndejembi wakati akizindua Mtandao wa Kitaifa wa Vijana wa  Taifa Letu, Kesho yetu iliyobora (TK Movement), uzinduzi ambao umewakutanisha vijana kutoka mikoa yote nchini na kuhudhuriwa na viongozi na watendaji kadhaa wa Serikali na Bunge. Waziri Ndejembi amesema ushirikiano huo unalenga kuwapatia vijana waliopo pembezoni mwa mikoa furusa zilizopo katika maeneo yao pamoja na kuendelea kuyazungumzia mema na mazuri yanayofanywa na Serikali ya Awamu ya sita. Amesema haoni  sababu ya kukataa ombi hilo la kupatiwa ushiri...
Read more

TAASISI YA TULIA TRUST YATOA MIFUKO 50 YA SARUJI SHULE YA MSINGI IKULE MASEBE RUNGWE

-
Image
  Rais wa Umoja wa Mabunge Duniani Spika wa Bunge la Jamhuri ya Muungano wa Tanzania ambaye pia ni Mbunge wa Mbeya Mjini Dkt Tulia Ackson kupitia Taasisi yake ya Tulia Trust imetoa msaada wa mifuko hamsini ya saruji kwa shule ya Msingi Ikule Kata ya Masebe Wilaya ya Rungwe Mkoani Mbeya kwa ajili ya kukarabati ofisi ya walimu ambapo kwa sasa wanatumia moja ya darasa kama ofisi. Msaada huo umekabidhiwa na Afisa Habari wa Taasisi ya Tulia Trust Joshua Mwakanolo kwa niaba ya Mkurugenzi wa Tulia Trust Dkt Tulia Ackson. Mwakanolo amesema Taasisi ilipokea maombi kutoka uongozi wa shule hiyo hivyo kwa kutambua umuhimu wa elimu Taasisi imewiwa kutoa msaada huo Ili kuchochea ubora wa elimu sanjari na kuungana na Serikali katika kuboresha miundombinu ya elimu. Innocent Atilyo ni Mwalimu Mkuu wa shule hiyo amesema sehemu kubwa ya shule hiyo imejengwa kwa nguvu za wananchi ikiwa na madarasa saba na jumla ya watoto zaidi ya mia mbili thelathini ambapo Serikali imetoa milioni thelathini na tano n...
Read more